فاصل فكاهي مع تحيات تكية ام عبدالله....
امسك نفسك عن الضحك
والله اني من كثر الضحك ما قدرت اكمل القصه
هذي قصة حقيقية حصلت في احد مساجد عمان / الاردن
من الشيخ أبو عماد
يقول صاحبنا
" البارحه توفي واحد ساكن بالشارع الثاني اللي انا ساكن فيه
الجماعة كانوا عاملين عزاء المرحوم أبوالحسن النبالي
رجل كبير بالعمر .
الله يرحمه ويحسن اليه .
المهم
بعد ما صلوا عليه بالمصلى اللي جنبنا ودفنوه
رجعوا التابوت
وكان الوقت بعد العشاء والجامع مسكر فحطوه عند باب المسجد وعلى صلاة الفجر بيجي خادم الجامع بيرجع التابوت لمكانه .
المهم
جاء واحد عالجامع تقريبا الساعة 3 ونص
لقاه مسكر
استنى شوي حتى زهق ..وما كانوا يفتحوا هالجامع
الرجال زاد علية البرد
قام وفتح التابوت وسلخها نومة داخل التابوت
تقريبا نصف ساعة جاء أخينا الخادم
فتح باب الجامع وسحب التابوت لمكانه عند المحراب بمساعدة احد المصلين ورغم ثقل التابوت وكثر النوم لم يعيرو اي اهتمام لهذا الثقل
واذن الصبح وحضر هالمصليين مايقارب الخمسين شخص
اقامو الصلاة
انا من بيناتهم وقفت بالصف الاول .
وبلشنا ودخلنا بالصلاة
وبالركعة التانية يا جماعة شفت التابوت عم يتحرك !!!!
ايه شو هالحكي معقول .!!!!!!!
فركت عيوني سكرتهم وغمضتهم
المهم قاعد يتحررك التابوت !!!!
هون بلشت العفاريت تجري قدامي
قام الاخ اللي جوا التابوت صحي
فتح غطاء التابوت ومد راسه
قال : صليتوا ؟؟؟؟؟؟
وياحبيبي لو تشوفوا شو صار فينا بالمسجد
انا من ناحيتي طلعت من الجامع حافي وبسرعة الف١٠٠٠ عالبيت ووصلت البيت مابعرف اني حافي ..
شفت الامام اغمى عليه وطاح بأرضه
وباقي الناس الي صدم بالحيط ....والي طلع حافي مثلي ...
والي اتزحلق عند مكان الوضوء....
وعينك ما تشوف الا النور.....، ما ضل حد بالمسجد
الكل هرب ....والرجال هرب معهم بدون ما يعرف شو القصه
