الى تشرين اهديها
ميسون نعيم الرومي
[size=32]الى تشرين اهديها[/size]
نمشي ع الذهب وابيوتنه اگشاش اوطين
چا وينه الفرج؟ والبوگ (باسم الدين) !
***
دين الله هذا الدين مايرضه بالشــين
باچر يصير احساب مهربكم امنين ؟
***
متفقه كلهه اعليـك صايـر ذبـيحه
ذبحوا مدنه اليوم صارت جريحه
***
هـذا العـمر هالراح نعگـد بالجروح
صار الگلب خشخاش وامدوهنه الروح
***
كلمن اسـلاحه ايصيح بس آنه وآنه
استشره البلاء اشلون وامنين اجانه
***
بعيونچ حزن وادموع يحبيبه (بغداد)-
نفس الوجوه الســـود يوميـّه تنعـاد
***
وسـفه العراق الصار مثل الخرابه
ياهو اليجي يوليه ايطلبه طلابـه
***
هذا (العراق) الزين مهد الحضارة
ينهض قريب ابساع ايصحح مساره
***
نـتـأمـّـل (الأحرار) ولدچ بـلادي
همـَّـه الأمل والجاه زوج اوفرادي
***
فـَـرحوا گلبنه اسباع ولدچ (يتشرين)-
همـَّـه أملنه الجاي .. ابسـَـن القوانين
***
انتوا الخلاص الجاي وانتوا اللي تبنون
هذا (عراق) المجد يشهـدلهه الكون
---------------------
18 / تشرين / 2021
ســتوكهولم
[size=32]الگاردينيا: زهرتنا الأخت الشاعرة المتألقة ميسون نعيم الرومي:[/size]
