Dr.Hannani Maya
مؤسس الموقع
عدد المساهمات : 17193
تاريخ التسجيل : 07/09/2015
 | | موضوع: الى بغداد بمناسبة يوم تأسيسها : ميسون نعيم الرومي الأربعاء ديسمبر 01, 2021 8:29 pm | |
| ميسون نعيم الرومي
الى بغداد بمناسبة يوم تأسيسها* بغداد .. يا بغداد
بغداد يا بغداد
بغداد يعني الأمل
يعني الفرح يعني الجاه
بغداد موجات النهر تتمايل ..
او عزف الناي
بغداد العمر كله الراح .. ويـّه الجاي
بغداد بلبل يصحي الفجر..
بعيون الورد والأزهار
بغداد نور اونار
بغداد زهو الربيع ..
صيف اوشته .. محلاه خو بيهه
بغداد.. گلبي يرف ليهه
بغداد..
النخل يتشابگ اويه الغيم
بغداد ندّه النده ..
او فاح عطر الطين
بغداد العنب والبرحي ..
طعم التين
بغداد الثقافة والدفو
بغداد..
موسيقى .. اوغناوي الفرح
ونسَه .. اودلال .. او عمر
بغداد قصَّه .. روايه اوشعر
بغداد ..
الرصافي ، زهاوي ، الكرخي..
رفعة راس
بغداد .. ما تنداس !
بغداد (اعيون المهى) تتجادح اشمحله اللون
بغداد امدللة (منصور) .. و(المأمون)-
بغداد شيخه اعله الزمن .. عمر الكون
بغداد أم الهله .. والملگه بالخطار..
والچاي المهيل .. والسـَـمـَـر ويه الجار
بغداد ..
(يابه او يوم) .. فدوه .. داد
بغداد..
شارع ابو النواس والمسگوف
اوكركرة الشباب ..عزَّه للأجداد
بغداد ..
التمدن والبغددة .. وهيبة الحلوات
بغداد ..
حنة عرس بچفوف الحديثات
بغداد ..
-(جاي اوصفـِـچ) .. تتسابق الچلمات
بغداد ..
شمعات النذر..
وابدجله خضر الياس
بغداد ..
شدة ورد احسن ناس
بغداد.. تسحر اغانيهه
بغداد..فدوه التراچيهه
بغداد.. روحي امعلگه بيهه
بغداد.. حلوه .. ابأهاليهه
بغداد .. مو للغرب !!
بغداد .. انلِعـَـب بيهه..
انلِعـَـب بيهه
----------------------
يحتفل العراق في 15 تشرين الثاني من كل عام
بيوم تأسيس بغداد قبل نحو 1259 عاما
على يد الخليفة العباسي أبي جعفر المنصور
وذلك في عام 762 للميلاد (145 هجرية) –
لتكون عاصمة الخلافة العباسية
وقد استغرق بناء هذه المدينة 4 سنوات
-------
-(علما ان الإحتفال اهمل هذا العام)-
-------------------------
تشرين الثاني/2021
سـتوكهولم | |
|
