اشـْـبـَعـنـَه حـوار : ميسون نعيم الرومي

اشـْـبـَعـنـَه حـوار[ندعوك للتسجيل في المنتدى أو التعريف بنفسك لمعاينة هذه الصورة]

ميسون نعيم الرومي

[size=32]اشـْـبـَعـنـَه حـوار[/size]

اشـْـبـَعـنـَه حوار اشـْـبـَعـنه كـلهه اوعـود
لتأمن نـَـذل مبيوع .. والـّـلي شغلته فرهود
نِغـَـير امن الجـَـذر.. نحمي وطنـَّه انريد
كل مرتـشي فاســد ! والوجوه الســود
***
-(بالشـلع اوقـَـلع) والشعب كلـَّه اوياك
تاريخ ايخـَلـِّـدَك .. واجدادك اهل الجود
جوعـوه الشـعـَـب .. داسـوه بالرجـليـن
احثاله امعـَـفـّـِنـَه .. تنكنس كـنس الدود
***
(بـغـداد) .. العراق او.. هيبة الأوطان
ياهو اللي يجي يولينه .. (خان اجغان) ماكو احدود
شـبان الوطن .. ارجاله كـِلهه احــرار
تحريرالوطن يردون .. والموقف يريد اشهود
***
مهانه اوعوز شبعوْ .. والخبز حسره
افلوس امتلتله ابحلگ الكرش والغود
شـباب اتـذبحت .. والقاتل المجهول
يـفـرح منـتـشي والشعـب هالممرود
***
شجاعه ابكل عزم .. هبـّـوْ اجوك اليوم
بـيـديـن الزلم .. حتما وطنه ايعـود
يصحه اعراقـنه والوطن كـلـَّه ابخير
نصرخ حيل .. يـِـخـْـسـَـه الخاين المطرود
***
فاليحيا (العـراق) .. اتعيش ثـواره
نـِحاسب كل دخيل او مجرم اومنكود
عاش اهـل (العراق) ابـطاله وارجاله
خلود الكل شهيد الرِفـَـض كل اقـيـود
--------------
4/ آب /2022
سـتوكهولم

[ندعوك للتسجيل في المنتدى أو التعريف بنفسك لمعاينة هذه الصورة]