ليـش ؟ : ميسون نعيم الرومي

ليـش ؟

[ندعوك للتسجيل في المنتدى أو التعريف بنفسك لمعاينة هذه الصورة]

ميسون نعيم الرومي

[size=32]ليـش ؟[/size]

انهجمت ( غـزَّة ) اوچا ليش ؟
اتراب الصارت ..
مامش عـيـش
مدري انـباعـت ..
مدري .. بـيش
مدري خيانه !
اوصعـبه العيش
مدري تهور..
مدري .. طيش
انهجمت ( غزَّة ) اوچا ليش ؟
***
انمردت (غـزَّه) ..
اشتعلت نار
ماتـت آلاف ..
ازغار اكبار
خوف اوجوع ..
اوطاح الدار
شعب المنكوب ..
ابأمره حار
وين الحل ابهذا الصار ؟
كلهه اتخلت .. چا ليش ؟
***
انهجمت غزه او چا ليش ..
والكل بيهه اتعـِـر واتجر
ربدوچ ابعرفه ..
ضگـتي المر
ابحالچ.. محد !
شنهي .. السر ؟
اوليداتچ ماتـت ..
كلهه اتصر
ياهـو اينصفچ ..
وينه الحر ؟
روحي اوياچ ..
اوگـلبي .. انـطر
ليش اوليش اوچا ليش ؟
الكل تسأل .. چا .. ليش ؟
شنهي الحصلت .. چا .. ليش ؟
انهجمت ( غزَّة ) اوچا ليش ؟
ليش ؟
-----------------------
نوفمبر / 2023
ســتوكهولم

[ندعوك للتسجيل في المنتدى أو التعريف بنفسك لمعاينة هذه الصورة]