اجاب الشاعر الكبير عادل الشرقي شاعرة المقاومه العراقية سميراء العبيدي بهذه الابيات مشاركة لقصيدتها بمناسبة ذكرى استشهاد صد

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

لا تعايدني يخو هدلة الجميل
والله من بعدك بعد ما بيّا حيل
ظلت بمربضها تترافس الخيل
والحرف ظل يبجي بعيون القلم
************************
لا تعايدني تره ضلعي انكسر
كل شريف بغيبة هلالك خسر
والدماء بموطني صارت بحر
نار بعدك صفت تنخر بالعظم
***********************
لا تعايدني ينيشان الصگور
العراق انترس من بعدك قبور
والدمع يجري نهر وسط الصدور
لأن حتى الطفل منهم ما سلم
************************
لا تعايدني لأن ما عندي عيــــد
شلون أعيد وانت يعيوني شهيد
والله ظل أخرس باعماقي القصيد
لأن من شوفتك يصدام انحرم
**************************
چان عيدي بشوفتك تحچي وتگول
لأن كلّك عزم واخلاص وأصول
چنت من تتكلَّم همومي تزول
لأن كلَّك مرجلة وزود وقيَم
***************************
شلون اعيّد بعد ما ظل عندي عين
طفت من بعدك يبو گلب الحنين
چنت نبراس الزلم فوگ الجبين
واسمك بكل گلب يصدام انرسم
*************************
لا تعايدني تره الدنيا انتهت
للحرامية ترا بلادي صفـــت
والفرس بينه تشمتت واشتفت
حتى كاس الماي من نشربها سم

الاثنين ١٣ ذو الحجــة ١٤٣٨ هـ ۞۞۞ الموافق ٠٤ / أيلول / ٢٠١٧ م

تحية الاسلام والعروبة
ابرق اليك تحية خاصة من مسرى رسول الله سيدنا محمد صلى الله عليه وسلم
ومن مهد السيد المسيح عليه وعلى امه افضل الصلاة والسلام
ان كل مفردات ثقافتي والمعاجم قاطبة لا تفيك حقك من الشكر والاحترام والاكبار
لك مني عاطر التحية
واطيب المنى
ودي قبل ردي