صبريه تزوجت عليوي ، وهي مره معدله وحلوه كلش الماي من تشربه ينشاف من بلعومهه .. > وعليو صبريه تزوجت عليوي ، وه

صبريه تزوجت عليوي ، وهي مره معدله وحلوه كلش الماي من تشربه ينشاف من بلعومهه ..
وعليوي خوش زلمه بس طاگه العوز والفقر ، ولا فلس عنده ..
يسولف الصبريه يگلها والله من تصير عندي فلوس الا اترس رقبتچ وايدچ ذهب وأشتريلچ بيت بالولايه ، يصفط عليها ويخطط لمشاريع مستقبليه بعيده المنال .. مثل ( حكومتنه) ..
ذاك اليوم عليوي طلع للبستان ، جان تگرصه حيه ويموت ( الله يرحمه ) ..
ظلت صبريه تبيع مخضر وتجمع فلوس وتشتري كل عيد اضحيه ( طلي ) وتذبحة بثواب المرحوم ..
ولدهه يسألوها المن هذا الطلي يمه ..؟
تكلهم لبوكم عشرته ماتنسي يا بعد رويحتي ، ومن تذكره تبچي وتنوح ..!!!
الى ان اجاها واحد الله رازقه ومنعم عليه يطشر. دفاتر وورق ..
وصارت صبريه بأحسن حال تصعد ( جكساره ) وترجع ( بجكساره ) ومن إجه عيد الأضحى هم اشترت طلي حتى تذبحه
وهم سألوها ولدها يمه هذا المن تذبحين الطلي.؟
گالت : هذا الطلي بثواب الحيه الگرصة ابوكم ...

رباط سالفتنة :
المفروض الحكومة كل سنه تذبح طلي للامريكان لأن خلاهم يصعدون جكسارات ويخمطون مليارات وهم چانوا حفاي يجمعون قواطي ويبيعون خبز يابس والشعب باقي على حاله..لوما الامريكان جان لحد الان يكدون واللقمه حسره..وفوكاها يضحكون عالشعب بسوالف الجهاد والنضال ضد الطاغيه وانووب زادوهه بسوالف ..فلتسقط امريكا..والموت لامريكا......لا والله تسقط عقولكم العفنه...