من قتلني ؟ : ميسون نعيم الرومي

من قتلني ؟[ندعوك للتسجيل في المنتدى أو التعريف بنفسك لمعاينة هذه الصورة]

ميسون نعيم الرومي

*من قتلني ؟
منو هذا اللي قتلني؟؟

نسأل احنه اليوم عنهم – منو هذا اللي قتلهم ؟
گلوب ترفه اوكلهه طيب – حبوا اوقدسوا وطنهم
شموع كلهم فدوه الهم – فرحة الدنيه اسمهم
يا ولدنه ياشباب – انظفرت انجوم ابگذلهم
شحچي شوصف بالجمال – گمر يمشي وابأثرهم
عيون تلمع چنهه كهرب – والشمس لاذت ابسدهم
هتفوا او صاحوا (عراق) – شهدت الناس ابسلمهم
مجرم اوسافل عميل – (احزاب) تكتل يا جرمهم
نهبوا اوباعوا وطنه – بالجريمه شركه كلهم
ذهب نفط اوكراسي – فرهدوهه كلهه الهم
حرگوا اگلوب الأمهات – و(الشبيبه) سال دمهم
نبقه نطلب بالعقاب ! – لذة العيش الحرمهم
ساسه كلكم بره بره – اشبعنه ملينه چذبكم
والقضاء الفسد وسفه – يلگي اعذار الجرمهم
يا ولدنه يالعزاز – للوطن ضحـَّوا ابدمهم
شعب نايم يمته يصحه؟- يحمي ولده ايلوذ عنهم
غسل دم اودفن موته – شغله صارت سهله عدهم
مرض جوع ! اوعذاب – سكته ترضون ابألمكم
دجله يبچي والفرات – نجده يطلب والله منكم
نشف مايه او يشكي الكم !!
يشكي إلمن ؟ يشكي الكم.....
--------------------
# حملة من قتلني ؟ :- تضامنا مع ثوار تشريرن في صرختهم
من قتلني ؟
---------------------
المجد والخلود لشهداء تشرين
والقصاص العادل للقتله
---------------------
20/ آيار / 20212
ســتوكهولم

لـك مـنـي عـبـق التحية…ورحـيـق الـوفـاء…وازدهاء الـثـنـاء..
يـكـلـلـه اعـتـرافي بـفـضـلـك الـذي ..أدهش مـخـيـلـتـي..
فـي وجـود مـن يـحـمـلـون إلى جـانـب الـمـودة والإخـاء…
بـصـوت يملأ الـدنـيـا ..وفـاءً..
كل عام وانت الى الله اقرب