اوجوه الكالحه : ميسون نعيم الرومي

اوجوه الكالحه

[ندعوك للتسجيل في المنتدى أو التعريف بنفسك لمعاينة هذه الصورة]

ميسون نعيم الرومي

[size=32]اوجوه الكالحه[/size]

الطهران شغله خزمچي – للشعب يوعد بس حچي
لاشفنه منـَّـه فد عمل – عَ الكرسي لازگ مرتچي
ايشكل لجان اوفرحان – مابيه خير اليرتجي
ينقل رسائل واخبار – للجاره صاير بوستچي
يتقاسم اوربعه الوطن – امكيف اوگاعد منتچي
تتكرر اوجوه الكالحه – سافل عميل اكلاوچي
صايع اوضايع بالدول – يحلم ابشغلة سفرچي
التموا علينه أشكال – قصتنه قصه تنحچي!
دجلتنه باعوه اوفرات – نشكيهم المن نرتجي؟
أهوار تصرخ تحتضر – وين الينقذچ يجي؟
ابكل عام ينعاد اوسنه – للحنطه حرگ الينبچي
نصه اله اونصه اله – احسن البيهم سختچي
لا علم عدهم لا فهم – يصلح الواحد (چشمچي)-
تهريب تزوير اونهب – اشتغلوا شغل ما ينحچي
ملايه دلاله قســـم – صارن (هوانم) حچي
جوعان عريان الشعب – شابع لطم شابع بچي
---------------------
سـتوكهولم
8 / آيار / 2021

لـك مـنـي عـبـق التحية…ورحـيـق الـوفـاء…وازدهاء الـثـنـاء..
يـكـلـلـه اعـتـرافي بـفـضـلـك الـذي ..أدهش مـخـيـلـتـي..
فـي وجـود مـن يـحـمـلـون إلى جـانـب الـمـودة والإخـاء…
بـصـوت يملأ الـدنـيـا ..وفـاءً..
كل عام وانت الى الله اقرب