من الارشيف
الى غزة.. شعر شعبي / الشاعر عبدالرحمن الباز
العراق
شيعنـــــه الضميـــــر وبالنعش مهزوز
وحكــــام العـرب عالكرســـــي مهتزة
ملينه الصبـــر وندري الصبر له حدود
وعلى حدود،الصبــــــر ذبحوك ياغزة
مجـــازر من دماكـــم روت الگيـــعان
لان ارواحــــــكم منــــــذورة للعــــزة
واخـــــوية المرتبــــط وياه بالشريان
شريــــــانه انتفض عالاخـــو الماعزه
عميقة جروحنه وبينه الضمير يصيح
لان بينه المشاعر تشــــكي من وخزة
نكبة بآثـــــــر نكبة صار من اسنيــــن
شيفيــــد الشجـــب والجــــاي يتعزة
استنكار وشجــب بـي اضعف الايمان
وقرارات الشجـــب مصحــوبة بالفزة
صليبية الحــرب عدوان واستيــطان
وضربــــات المقــــاوم للعــــدو اتهزه
آضرب والقدس مسري الحبيب تريد
يبــــو الكلفات آرفع رايــــــة الحمزة
آستذكر عمــــر وآنخـه صلاح الديـن
لآن رايـــــــة نصرنـه آتعلت بـــرمـزه
عبدالرحمن الباز
العراق
